რუსეთის პრეზიდენტმა ვლადიმერ პუტინმა განაცხადა, რომ მსოფლიოს არც ერთ ქვეყანას არ აქვს ისეთი ძლიერი იარაღი, როგორც რუსეთს.
„2004 წელს მე განვაცხადე, რომ რუსეთს ექნება ისეთი იარაღი, რომელიც მსოფლიოში არავის არ აქვს. მაშინ არავინ მოგვისმინა, ახლა კი, როცა ეს იარაღი შევქმენით, მოგვისმინეთ!“ – განაცხადა პუტინმა.
რუსეთს პრეზიდენტმა კიდევ ერთხელ განმარტა, რომ ჩრდილო-ატლანტიკური ალიანსის მიახლოვება რუსეთის საზღვრებთან რუსეთს აიძულებს, თავდაცვისუნარიანობა გაზარდოს.
„რუსეთის თავდაცვის სამინისტრო ახალი თაობის ბალისტიკური რაკეტებზე მუშაობს. ცდები უკვე დაწყებულია. ახალი კონტინეტთაშორისი ბალისტიკური რაკეტაც გამოცდის რეჟიმშია, რომელსაც „სარმატი“ ეწოდება. არ გამოვრიცხავ, რომ რაკეტები სამომავლოდ ბირთული ქობინებით აღვჭურვოთ“, – განაცხადა ვლადიმერ პუტინმა.
მისივე თქმით, რუსეთი საპასუხო ზომებს მიიღებს, როგორც კი რუსეთის ტერიტორიაზე ან მის მოკავშირეებზე ბირთვული თავდასხმა განხორციელდება.