აზერბაიჯანის სახელმწიფო უშიშროების სამსახურის თანამშრომლებმა ქვეყნის ჩრდილოეთში ჩატარებული ანტიტერორისტული ოპერაციის ფარგლებში ტერორისტები გაანადგურეს. ამის შესახებ უწყების პრესსამსახური იუწყება.
„ოპერატიული მოქმედებების შედეგად აღმოჩენილია და გაუვნებელყოფილია ე.წ. ტერორისტული ჯგუფი „ხაჩმაზის ჯამაათი“, რომელსაც აზერბაიჯანის მოქალაქე საბირ მამედოვი ხელმძღვანელობდა“, – ნათქვამია განცხადებაში.
უწყების ინფორმაციით, 2018 წლის 6 მარტს „ჯამათის“ აქტივისტებმა საბირ მამედოვმა და თარლან სალიმოვმა, რომლებიც ტერაქტების ორგანიზების მცდელობაში იყვნენ მხილებულები, დაკავებისას სახელმწიფო უშიშროების სამსახურის ოპერატიულ ჯგუფს შეიარაღებული წინააღმდეგობა გაუწიეს.
„სახელმწიფო უშიშროების სამსახურის თანამშრომლებმა საპასუხო ცეცხლი გახსნეს, შედეგად ორივე პირი განადგურებულია “, – განაცხადეს უწყებაში.