ე.წ „ბავშვთა უფლებების დაცვის“ საზოგადოების ხელმძღვანელმა გურამ ფალავანდიშვილმა თავის თანამოაზრეებთან ერთად იუსტიციის სახლთან საპროტესტო აქცია გამართა, რომელიც წარმოადგენს იმ აქციის კონტრაქციას, რომელიც დღეს 15:00 საათზე ტრანსგენდერი ქალების უფლებების დაცვის მოთხოვნით უნდა გაიმართოს.
აქციაზე გურამ ფალავანდიშვილმა არაერთი ჰომოფობიური და ტრანსფობიური განცხადება გააკეთა და ლგბტ თემის წარმომადგენლები დისკრმინიაციული ლექსიკით მოიხსენია.
„ჩვენ აქ იმიტომ მოვედით, რომ მათი ქმედება არის მსოფლიო და ჩვენი მთავრობიდან მხარდაჭერილი, მიიღეს ანტიდისკრიმინაციული კანონი , რომლითაც უფლება აქვთ, რომ სკოლაში ასწავლონ ტოლერანტობა, მამათმავლობის, სიძვის და მრუშობის მიმართ და თუ ჩვენ აქ არ გამოვალთ და დავუშვებთ, რომ მათ აქციები ატარონ, როგორც უცხოეთშია ეს გადაიზრდება სატანისტურ ბილწ გეიპარადებში. ახლა სქესს ითხოვენ, მერე ქორწინებას მოითხოვენ და ბავშვებს აიყვანენ. სოდომიზაცია კიდევ უფრო გაღრმავდება. სახელმწიფო ამის ხელშემწყობია და ჩვენ სახელმწიფო პოლიტიკის წინააღმდეგ გამოვდივართ.
პოლიცია რომ არ იყოს, იმ პლაკატებს წავართმევთ და ვეტყვით წადით სახლში ძმებო, პლაკატები გადახიეთ იმიტომ რომ აქ ბავშვები ირყვნებიან. თუ არ მიგვიშვებენ შეიძლება თითოეულმა კვერცხი ვესროლოთ, ომს ხომ არ დავიწყებთ. მაკრონს ესროლეს კვერცხები და ამათ თუ ესროლეს არაფერი არ მოუვათ. მათ ჩაქოლვას არავინ აპირებს, მაგრამ მათ უფლება არ უნდა ქონდეთ, რომ ქუჩაში მათი სიმბოლიკა და ცხოვრების წესი გამოფინონ. საქმე იმაშია რომ მთავრობა და პოლიცია დგას მათ უკან და ეს არის სამარცხვინო. კვირიკაშვილია პასუხისმგებელი იმაზე, რომ ღირსების, ზნეობისა და ოჯახის შეურაცხმყოფელი აქციები იმართება და მათ კი არ აპატიმრებს არამედ ჩვენ გვებრძვის.“- განაცხადა ფალავანდიშვილმა.