ჩრდილოატლანტიკური ალიანსის გენერალური მდივნის იენს სტოლტენბერგის განცხადებით, ნატო არასდროს აღიარებს სამხრეთ ოსეთს რაიმე სახის დამოუკიდებელ სუბიექტად.
ამის შესახებ იენს სტოლტენბერგმა პირველი არხისთვის მიცემულ ინტერვიუში განაცხადა.
“ჩვენ მოვუწოდებთ რუსეთს პატივი სცეს საქართველოს ტერიტორიულ მთლიანობას, სუვერენიტეტს და მხარი არ დაუჭიროს სეპარატისტებს”, – განაცხადა ალიანსის გენერალურმა მდივანმა.
პირველი არხისთვის მიცემულ ინტერვიუში ნატო-ს გენერალური მდივანი ქართველ ხალხს საქართველოს მოქალაქის მკვლელობის გამო სამძიმარს უცხადებს და მომხდარის გამო შეშფოთებას გამოხატავს.
კომენტარები