გერმანიის პოლიციამ ესპანეთის მიერ ძებნილი კატალონიის ექს-ლიდერი დააკავა, – ამის შესახებ BBC იუწყება.
გამოცემის ცნობით, კარლეს პუჩდემონი სამართალდამცავებმა დანიის საზღვრის გადაკვეთის დროს დააკავეს, როდესაც ის ბრიუსელში ბრუნდებოდა.
დაკავების შესახებ ინფორმაცია კარლეს პუჩდემონის ადვოკატმა ხაუმე ალონსო-კუევილიამ დაადასტურა.
კარლეს პუჩდემონს ბრალდება აქვს წაყენებული კატალონიის დამოუკიდებელ სახელმწიფოდ გამოცხადებასთან დაკავშირებით. ის ამ დრომდე ევროპის სხვადასხვა ქვეყანში იმყოფებოდა, მათ შორის ბელგიაში.
კომენტარები