დედაქალაქის მერის კახა კალაძის განცხადებით, ბელიაშვილის ქუჩაზე ამხანაგური მატჩი მაინც გაიმართება, მიუხედავად იმისა, რომ მასში მონაწილეობის მსურველებს გარკვეული არასამთავრობოები აშანტაჟებენ.
კალაძის თქმით, თამაში 18:00 საათისთვისაა დაგეგმილი.
„მიუხედავად იმისა, რომ გარკვეული არასამთავრობო ორგანიზაციები ურეკავენ ფეხბურთელებს, აშანტაჟებენ, რომ არ მიიღონ მონაწილეობა ამ შეხვედრაში, ეს თამაში შედგება, ფეხბურთელები ითამაშებენ.
სამართლებრივი მხარე რაც არის, ის, რა თქმა უნდა, გაგრძელდება და გამოძიებამ უნდა დაადგინოს, რა მოხდა და ვინ იყო დამნაშავე პასუხი აგოს დამნაშავემ. მაგრამ, სამოქალაქო ინიციატივას ვერავინ და ვერაფერი შეუშლის ხელს და ვერ შეაჩერებს, რაც უნდა იზრუნონ იმ ადამიანებმა, ვინც ეწინააღმდეგება ქვეყნის განვითარებას, სარწმუნოებას, მამულს, ენას – ვერაფერი ამ ყველაფერს ვერ შეაჩერებს“, – განაცხადა კახა კალაძემ.