თბილისის მერია თამარ მეფის სახელობის ხიდის რეაბილიტაციას გეგმავს. ტენდერი საინჟინრო – გეოლოგიურ კვლევაზე გამოცხადდა, რის შემდეგ უკვე უშუალოდ სარეაბილიტაციო სამუშაოები უნდა დაიწყოს.
კვლევისთვის მერიას 50 ათასი ლარი აქვს განსაზღვრული. ხიდის შესწავლის შედეგად გამოვლინდა, რომ დაბზარულია ხიდის მთელი სავალი ნაწილი, დაზიანებულია ტროტუარების საფარი, ხიდის კონსტრუქციებზე აღინიშნება დიდი რაოდენობით გამოტუტვის ლაქები და წყლის ჟონვის კვალი, ზამთრის პირობებში ხიდის მალის ნაშენზე წარმოიქმნება დიდი რაოდენობის ყინულის ლოლუები.
თამარ მეფის ხიდი 1935 წელს გაიხსნა.
კომენტარები