გოგა ხაინდრავას ფილმში “ჰეროკრატია” ერთ-ერთი როლის შემსრულებელმა, რეჟისორმა და მსახიობმა ოთარ მიქელაძემ, საქართველოს ექსპრეზიდენტ მიხეილ საააკაშვილს ღია წერილით მიმართა და ბოდიში მოუხადა. ამის შესახებ ინფორმაციას სააკაშვილმა ფეისბუქზე გამოაქვეყნა:
„ბოდიში საქართველოს პრეზიდენტს, ბატონ მიხეილ სააკაშვილს !
ბატონო პრეზიდენტო! ბოდიში მინდა მოგიხადოთ იმისათვის, რომ:
1. 2012 წელს გავწევრიანდი მატყუარა „ ქართულ ოცნებაში“ ;
2. 2012 წლის არჩევნებში ხმა მივეცი „ ქართულ ოცნებას“ ;
3. როგორც მსახიობმა,მონაწილეობა მივიღე მრავალსერიიან სატელევიზიო მხატვრულ ფილმში „ჰეროკრატია“;
პატივისცემით, კინორეჟისორი ოთარ მიქელაძე
23.04.2018.“
აღნიშნულ ინფორმაციას მიხეილ სააკაშვილი შემდეგი სიტყვებით გამოეხმაურა:
“თქვენ არ გაქვთ ბოდიში მოსახდელი, ივანიშვილს კი!”- დაწერა სააკაშვილმა ფეისბუკზე.
