ზაზა სარალიძე, რომელიც გარდაცვლილი შვილის გამოძიებით უკმაყოფილოა და რუსთაველის გამზირზე საპროტესტო აქციებს მართავს, უარს აცხადებს შს მინისტრთან შეხვედრაზე.
როგორც მან ჟურნალისტებს განუცხადა, ის არ იღებს გიორგი გახარიას შეთავაზებას შეხვედრასთან დაკავშირებით.
“მე მინისტრს ორი თვის წინ ვეხვეწე და ვემუდარე დაჩოქილი, რომ შემხვედროდა. დღეს მე არ შევხვდები”, – განაცხადა სარალიძემ.
გიორგი გახარია მზად არის, უპირობოდ შეხვდეს ხორავას ქუჩაზე მოკლული დავით სარალიძის მამას, ზაზა სარალიძეს და მიმდინარე საქმის დეტალები გააცნოს, – ამის შესახებ შსს-ს მიერ გავრცელებულ ინფორმაციაშია ნათქვამი.
დღეს შინაგან საქმეთა მინისტრი გიორგი გახარია ხორავას ქუჩაზე მოკლული ლევან დადუნაშვილის მამას შეხვდა. შეხვედრას სახალხო დამცველი ნინო ლომჯარია და დადუნაშვილის ოჯახის ადვოკატი ხათუნა მაღლაკელიძე დაესწრნენ.