აშშ-ში დაპატიმრებული ქართველი მოკრივე ავთანდილ ხურციძე ადგილობრივმა სასამართლომ ნაწილობრივ გაამართლა. ცნობა ამის შესახებ თავად ხურციძემ გაავრცელა თავის facebook-ზე.
სპორტსმენს სხვა ბრალდებებთან ერთად ნარკოტიკებითა და იარაღებით ვაჭრობას და საბუთების გაყალბებას ედავებოდნენ, სწორედ ამ ბრალდებებში გაამართლა ის სასამართლომ.
„სასამართლომ გარკვეულ საკითხებში გამამართლა. დარჩა ორი ბრალდება – რეკეტი და „გემბლინგი“ (უკანონო აზარტული თამაშები), მაგრამ ამასაც არ ვეთანხმები. სავარაუდოდ ერთ წელში გამანთავისუფლებენ“, – დაწერა ხურციძემ სოციალურ ქსელში.
ქართველი სპორტსმენები ლევან მაყაშვილი და ავთანდილ ხურციძე, აშშ-ში საქართველოს სხვა მოქალაქეებთან ერთად, ე.წ. ქურდულ სამყაროსთან კავშირის, თაღლითობის მომზადებისა და რეკეტში მონაწილეობის ბრალდებით გასული წლის 8 ივნისს დააკავეს.
ავთანდილ ხურციძეს სასამართლომ ორთვიანი წინასწარი პატიმრობა შეუფარდა.ლევან მაყაშვილი 13 ივნისს, ერთი პირის თავდებობისა და გირაოს სანაცვლოდ გაათავისუფლეს.