2 ივლისს თბილისის საერთაშორისო აეროპორტში დაკავებულ რუსეთის მოქალაქეს აღკვეთის ღონისძიების სახით პატიმრობა შეეფარდა. პროკურორის, მაია სილაგაძის განმარტებით, არსებობდა მოწმეებზე ზეწოლის საფრთხე, რის გამოც მოსამართლემ დიმიტრი ბიკოვი პატიმრობაში დატოვა.
უფლებადამცველის, ნოდარ იკაშვილის თქმით ბიკოვი აეროპორტში ბილეთების საყიდლად იმყოფებოდა და ბრალდებულის მიერ ჩადენილი დანაშაულის ფაქტები არ არსებობს .
დაკავებულს ბრალი ედება ჯანმრთელობის განზრახ მძიმე დაზიანების მცდელობაში, რაც 8 წლამდე თავისუფლების აღკვეთას ითვალისწინებს.
კომენტარები