ხორავას ქუჩაზე მოკლული მოზარდის, დავით სარალიძის მამა, ზაზა სარალიძე დღეს პროკურატურის წარმომადგენლებს შეხვდება. შეხვედრა 13:00 საათზეა ჩანიშნული და მასზე ხორავას ქუჩაზე მომხდარ მკვლელობასთან დაკავშირებით მიმდინარე გამოძიების შესახებ ისაუბრებენ.
სავარაუდოდ, დღეს გახდება ცნობილი თუ რა რადიკალურ ნაბიჯებზეა საუბარი, რომლის გადადგმის პირობაც ზაზა სარალიძემ რამდენიმე დღის წინ შს სამინისტროსგან მიიღო. საუბარი ასევე შეეხება მიხეილ კალანდიას პასუხისგებაში მიცემასაც, რასაც სარალიძე ითხოვს.
პროკურატურის წარმომადგენლებთან ზაზა სარალიძის შეხვედრას ასევე მისი ოჯახის ადვოკატი ნესტან ლონდარიძე დაესწრება.
შეგახსენებთ, რომ ზაზა სარალიძემ 2-დან 3 ივლისამდე ღამე შსს-ს ეზოში პროტესტის ნიშნად გაათენა. ის სისხლიანი გარჩევის მონაწილე მიხეილ კალანდიას დაკავებას მოითხოვდა.