ტერორიზმის ბრალდებით დაკავებული დუმილს არღვევს. რამაზ მარგოშვილმა სასამართლოს დღეს პირველი ჩვენება მისცა.
პროკურორ ნანა ხუნჯუას თქმით, მარგოშვილმა დღევანდელ პროცესზე დაადასტურა, რომ მას აჰმედ ჩატაევთან კავშირი ჰქონდა.
პროკურორის განმარტებით, ბრალდებული ჩატაევს 2012 წლიდან იცნობდა, 2015 წელს კი მარგოშვილი ჩატაევთან სირიაშიც ჩავიდა, სადაც საქართველოში გარკვეული დავალებით დაბრუნდა.
სუს-მა ანატიტერორისტული ოპერაცია ბერი გაბრიელ სალოსისა და პანკისის ხეობაში 2017 წლის 21-22 ნოემბერსა და 26 დეკემბერს ჩაატარა. ჩატარებული ოპერაციის შედეგად გაბრიელ სალოსის ქუჩაზე ლიკვიდირებულ იქნა ახმედ ჩატაევის დაჯგუფების ორი წევრი, თავად ჩატაევმა კი თავი აიფეთქა. სპეცოპერაციის ჩატარებამდე სამართალდამცველებმა დაჯგუფების ერთი წევრი შოაიფ ბორზიევი დააკავეს. მას ბრალად ტერორისტული ორგანიზაციის წევრობა ედება.
რაც შეეხება პანკისის ხეობაში ჩატარებული სპეცოპერაციას, სუს-ის კონტრტერორისტულმა დეპარტამენტმა ტერორიზმში ბრალდებულთა ჯგუფთან კავშირზე მყოფი სხვა პირები რუსლან ალდამოვი, ბადურ ჩოფანაშვილი, რამაზ მარგოშვილი და ზურაბ გორნაკაშვილი დააკავა. კიდევ ორი პირი ანატოლი ბერძენიშვილი და ზურაბ იდოიძე სახელმწიფო უსაფრთხოების სამსახურმა მოგვიანებით დააკავა. ყველა მათგანს გამოძიება ტერორისტული საქმიანობის სხვაგვარ მატერიალურ მხარდაჭერას და რესურსებით უზრუნველყოფას ედავება.