პრეზიდენტის სიძის მეგობარი თორნიკე კაჭარავა თავს დამნაშავედ არ ცნობს. ბრალდებული ცოტა ხნის წინ წინასწარი დაკავების იზოლატორში ადვოკატმა მოინახულა. როგორც შოთა მანელიძე ამბობს, რომ მას სამართალდამცავებისთვის ჩვენება არ მიუცია და დუმილის უფლებას იყენებს.
„ბრალდების არც ერთ ნაწილში თორნიკე თავს დამნაშავედ არ ცნობს. ის კვლავ იყენებს დუმილის უფლებას, თუმცა, ობიექტურობის კრიტერიუმებიდან გამომდინარე, ვფიქრობთ, რომ თემის განვრცობა და გაშლა არ არის საჭირო. მას აქვს პასუხები, თუმცა მიზანშეწონილად არ მიმაჩნია ამ თემის გავრცობა“, – აღნიშნა შოთა მანელიძემ.
ადვოკატის ინფორმაციით, თორნიკე კაჭარავას ბრალს ხვალ წარუდგენენ.
თბილისში, საპატრულო პოლიციის თანამშრომლებმა ცეცხლსასროლი იარაღის უკანონო შეძენა-შენახვა-ტარების ფაქტზე წარსულში არაერთგზის ნასამართლები, 1989 წელს დაბადებული თორნიკე კაჭარავა დააკავეს. გამოძიება დაიწყო სსკ-ის 236-ე მუხლით მიმდინარეობს.
კაჭარავა პრეზიდენტის სიძის მინდია გოგოჭურისა და ასევე, მისი ქალიშვილის ანა მარგველაშვილის მეგობარია. თორნიკე კაჭარავა ნარკოდანაშაულისთვის გასულ წელს დააკავეს და მოგვიანებით, 15 000-ლარიანი გირაოს გადახდის შემდეგ გაათავისუფლეს.