“პოლიციელებს ვუხდი მადლობას, რომ ვარ ცოცხალი“

ლილოში მიმდინარე აქციის ერთ-ერთი მონაწილე, რომელიც გაფორმების ეკონომიკური ზონის ტერიტორიაზე თავის დაწვით იმუქრებოდა, პოლიციელებმა და მაშველებმა ერთ-ერთი შენობის სახურავიდან, რამდენიმესაათიანი მოლაპარაკებების შედეგად, სახანძრო კიბის დახმარებით უვნებლად ჩამოიყვანეს.
ჯანო ამყოლაძემ ჟურნალისტებთან საუბრისას სამართალდამცველებს მადლობა გადაუხადა.
რაც შეეხება აქციის მიზეზს – ავტოსატრანსპორტო საშუალებით ხორბლის გადაზიდვის აკრძალვას, რეგულაცია 2019 წლის პირველ ოქტომბრამდე გადავადდა.
„მე რომ დღეს ცოცხალი ვარ, რომ ვერ მივაღწიე იმ ზომას, თავი მომეკლა, სახალხოდ ვიტყვი, რამდენი წელიც უნდა ვიცოცხლო, ეს მთლიანად სამართალდამცველების დამსახურებაა. ეს იმ პოლიციელების დამსახურებაა, რომლებიც 4 დღის განმავლობაში გვერდიდან არ მოგვშორებიან. პოლიციელებს ვუხდი მადლობას, რომ ვარ ცოცხალი“, – განაცხადა ჯანო ამყოლაძემ.