ბოდბელი ეპისკოპოსი, მეუფე იაკობი ნოდარ მელაძეს და ჟურნალისტ ანი ახალაიას მადლობას უხდის.
“აღვნიშნავთ, რომ შაბათის კურიერში გასული ინტერვიუ მეუფე იაკობთან (დასაწყისი 21:07-დან) გამოირჩეოდა მაღალი პროფესიონალიზმით და სრულად გამოხატავდა იმ სულისკვეთებას, რაც იყო ინტერვიუში.
მადლობას ვუხდით ჟურნალისტ ნოდარ მელაძეს (Nodar Meladze) და შაბათის კურიერის (Rustavi 2) შემოქმედებით ჯგუფს.” – წერია მეუფის ოფიციალურ გვერდზე.
გუშინ ორივე არხზე მეუფის ინტერვიუ გავიდა, თუმცა ინტერვიუს ეთერში გასვლამდე მეუფე იაკობმა სოციალურ ქსელში მიმართვა გაავრცელა, რომელსაც უცვლელად გთავაზობთ.
“ჩვენი ერის ისტორიაში ბევრჯერ ყოფილა ეკლესიის და სახელმწიფოს დაპირისპირების მცდელობა
ახლაც არსებობენ ძალები , რომლებიც ცდილობენ, ეკლესია გამოიყენონ სახელმწიფოს წინააღმდეგ.
ეკლესიის კარი ღიაა ეკლესიის შვილებისთვის ეკლესია და სამღვდელოება, ყოველთვის ეცდება თავისი სამწყსო დაიცვას შეცდომებისგან.
მე რამდენიმე ინტერვიუ მივეცი სხვადასხვა ტელეარხს. ორი მათგანი, რომელიც ჩაწერა რუსთავი2-მა და ტვ პირველმა, როგორც ანონსებიდან ვიხილე, დღეს გავა ეთერში. ინტერვიუს სულისკვეთება სრულად არის აცდენილი დაანონსებული გადაცემისაგან.
თემების მგძნობიარობიდან გამომდინარე ვთვლი, რომ ჩემი სათქმელი შეულამაზებლად და დაუმახინჯებლად უნდა მივიდეს ჩვენი ქვეყნის ყველა მოქალაქესთან. ამის გამო გთავაზობთ ინტერვიუების სრულ ვერსიებს, როგორც რუსთავი 2-თან, ასევე ტვ პირველთან.
დარწმუნებული ვარ, ეკლესია და სახელმწიფო ეხლაც ღირსეულად, ერთმანეთის მოსმენით და ქრისტეს შეგონებით, აირჩევენ სწორ გზას”
ბოდბელი ეპისკოპოსი იაკობი.