„ომეგა ჯგუფში” შემავალი ერთი-ერთი კომპანიის “ომეგა 2”- ის დირექტორმა გიორგი ქურდაძემ თბილისის პროკურატურაში გამოკითხვაზე უარი თქვა და განაცხადა, რომ სურს სასამართლოში დაიკითხოს.
ამის შესახებ ქურდაძემ თბილისის პროკურატურის დატოვების შემდეგ განაცხადა, სადაც მოწმის სტატუსით გამოკითხვაზე იყო დაბარებული.
“ვისარგებლე კანონით მონიჭებული უფლებით და განვაცხადე, რომ მსურდა დაკითხული ვყოფილიყავი სასამართლოში მოსამართლის თანდასწრებით. დაფიქსირდა ეს ოქმები. ეს ჩემი უფლებაა და გამოვიყენე. მე ყველაფერს ვიტყვი, არ დავმალავ და ვითანამშრომლებ. მალე მოხდება სასამართლოში ჩემი დაკითხვა და მერე ყველაფერს ვიტყვი”,- განაცხადა ქურდაძემ.
საქმე ეხება ომეგა ჯგუფთან” დაკავშირებით მედიაში გავრცელებულ აუდიოჩანაწერებს, რაზეც თბილისის პროკურატურამ გამოძიება 12 სექტემბერს დაიწყო.