საქართველოს პრეზიდენტმა გიორგი მარგველაშვილმა დღეს შეწყალების მორიგი აქტი გამოსცა და 111 მსჯავრდებული შეიწყალა. მათ შორის არის 2017 წლის ივნისში დაკავებული და ნარკოდანაშაულისთვის გასამართლებული მამუკა ბერძენიშვილი.
“დღეს ძალიან ბედნიერი დღე გვაქვს! ჩვენი ძმა მამუკა ბერძენიშვილი შეიწყალა პრეზიდენტმა!!!
კი მოუწია არაფრის გამო ერთ წელზე მეტი გალიაში ყოფნა, მაგრამ რაც მთავარია, ხმაურმა და აქტიურობამ შედეგი გამოიღო! ჯერ პროკურატურა (რომელიც თავიდან მაქსიმუმს ითხოვდა და პირველ ჯერზე 8 წელი შეეფარდა ბერძენას) წამოვიდა საპროცესოზე და ახლა უკვე შეწყალება შეეხლო უძმესს! სულ ასეთი კარგი ამბები გქონოდეთ და იცოდეთ, რომ აქტიურობას ყოველთვის აქვს აზრი!
პ.ს ჯერ კიდევ ათასობით ადამიანი არის ქვეყანაში, ვისი საქმეც არ გახმაურდა და ვინც ნარკოტიკის პირადი მოხმარებისთვის იხდის სასჯელს. სასწრაფოდ უნდა დასრულდეს ეს ფაშიზმი და ადამიანები პირადი მოხმარების გამო ოთხ კედელს შორის აღარ უნდა იყვნენ გამომწყვდეულები!!!”, – წერს მამუკა ბერძენიშვილის მეგობარი გიორგი ზურაბიშვილი Facebook-ზე.