თაკო ჩარკვიანი აწ გარდაცვლილი რეჟისორის, გიგა ლორთქიფანიძის შვილს, ნანა ლორთქიფანიძეს პასუხობს და სოციალურ ქსელში წერს:„დეიდა ქეთინო კიკნაძეს მინდა ვუთხრა: ქალბატონო ქეთინო, არ ვიცი, სამწუხაროდ თუ საბედნიეროდ, არ და ვერ გიპასუხებთ იმ ტალახზე, ჩემს მიმართ რასაც ისვრით, თქვენს შვილს, ნანას, კი ბატონო და ვუპასუხე კიდეც, მაგრამ თქვენ არ გიპასუხებთ, დედაჩემი ირმა ჩხეიძე კი, თქვენთან კამათში და პოლემიკაში არ ჩაერთვება, ზუსტად ვიცი, რადგან არ მისცემს თავს უფლებას, ზღვარს გადავიდეს, ასე რომ, „დავიჩაგრე“ თქვენი შვილისგან განსხვავებით – „ასაკოვანი დედა“ ვერ დამიცავს, ერთს გეტყვით მხოლოდ, იმ ტალახის ნიაღვარში, რაც თქვენგან მოდის ჩემი მისამართით, ერთი სიმართლეა მხოლოდ (სხვა ყველაფერი სიცრუე): ის , რომ მამუკას ფეხის ოპერაცია გაუკეთდა და აქაც, ალბათ არ იცით (იმედს ვიტოვებ, რომ არ იცით), რომ არავის არ გადაურჩენია მისი სიცოცხლე, ასე ვთვლი მე და ყველა ჩვენს გარშემო, რადგან ჩემი მეუღლის,დანგრეული, უკანონოდ განადგურებული ბიზნესი არავინ აღადგინა. ასე რომ, სახელმწიფოს როცა ვალი აქვს შენი, უნდა დაგიბრუნოს ან სამართალი აღადგინოს. ასე რომ, არ ვფიქრობ, რომ დამეხმარნენ. სამართლის აღდგენის შემთხვევაში არავისი „დახმარება“ არ სჭირდებოდა ჩემს ოჯახს!
რაც შეეხება ქველმოქმედებას, ნუ მოგვითითებთ, რადგან ქველმოქმედებს ჩემი მეუღლე (ჩვენი შესაძლებლობის ფარგლებში) და თან ისე, რომ ადამიანებს სახელმწიფოებრიობის დათმობას არ სთხოვს!!! ესეც მეტია, რაც დავწერე! ღმერთმანი, არ მინდოდა, მაგრამ მივხვდი, არ გაქვთ სწორი ინფორმაცია, დიიიიდი მადლობა, მაგრამ ჩემი, სახელმწიფოს მიერ უკანონოდ (სამართლის არ აღდგენით), მითვისებული დაებრუნებიათ, მერჩივნა, ბატონო, არავისი არაფერი მინდა (არ ვართ ასე ცხოვრებას მიჩვეული) თქვენ როგორ მოგწონთ ცხოვრება, ეს თქვენი საქმეა, ასე რომ, უბრალოდ, მოგაწოდეთ სწორი ინფორმაცია. ახლა დაგემშვიდობებით, დეიდა ქეთინო, ნანას კი ვეტყვი: პოლემიკაში მშობლებით სიარული, ეტყობა, რაღაც ახალია, „არაქართული ოცნებისეული“, თუ მაინც და მაინც, კვლავ დააპირებ დედის ჩართვას, (პოლიტპოლემიკაში), მეც ვეტყვი დედაჩემს და სადმე პარკში, სუფთა ჰაერზე გავასეირნოთ, უხუცესი ადამიანები, აქ ფ.ბ-ზე ნუ შეაწუხებ მოხუც დედას ,უხერხულია, გოგონა!“