პენტაგონი აცხადებს, რომ თარხან ბათირაშვილის გარდაცვალება ექსტრემისტულ დაჯგუფება “ისლამური სახელმწიფოს” წინააღმდეგ განხორციელებული დიდი დარტყმაა. ამის შესახებ აშშ-ის თავდაცვის დეპარტამენტის ოფიციალურმა წარმომადგენელმა პიტერ კუკმა განაცხადა.
“ის “ისლამური სახელმწიფოს” “ომის მინისტრი” იყო. ის დაჯგუფების ხელმძღვანელობის მთავარი წევრია. მისი ბრძოლოს ველიდან განდევნა “ისლამურ სახელმწიფოზე” მნიშველოვანი დარტყმაა. ეს არის “ისლამური სახელმწიფოს” წინააღმდეგ მიმართულ ჩვენს კამპანიაში წინ გადადგმული ნაბიჯი”, – განაცხადა პიტერ კუკმა.
პენტაგონის ინფორმაციით, თარხან ბათირაშვილი, ასევე ცნობილი როგორც ომარ ალ-შიშანი, სავარაუდოდ 10 ივლისს ერაყის ქალაქ მოსულთან საერთაშორისო კოალიციის მიერ განხორციელებულ ავიადარტყმას ემსხვერპლა. თუმცა თავდაცვის უწყებაში აღნიშნავენ, რომ საჰაერო დარტყმის შედეგების შეფასება ჯერ კიდევ მიმდინარეობს.