„გრიგოლ ვაშაძისგან, სამწუხაროდ, მოლოცვა ჯერ არ მიმიღია, ველოდები”, – ამის შესახებ საპრეზიდენტო არჩევნებში გამარჯვებულმა კანდიდატმა სალომე ზურაბიშვილმა განაცხადა.
საქართველოში საპრეზიდენტო არჩევნების მეორე ტური გუშინ, 28 ნოემბერს გაიმართა. არჩევნებში გამარჯვებისთვის დამოუკიდებელი საპრეზიდენტო კანდიდატი სალომე ზურაბიშვილი და „ნაციონალური მოძრაობის“ კანდიდატი გრიგოლ ვაშაძე იბრძოდნენ.
ცენტრალურმა საარჩევნო კომისიამ ხმების 100% დაითვალა. დათვლილი ბიულეტენების შედეგად, „ქართული ოცნების“ მიერ მხარდაჭერილმა კანდიდატმა, სალომე ზურაბიშვილმა 1 147 627 მიიღო (59.52 %), ხოლო „ნაციონალური მოძრაობის“ საპრეზიდენტო კანდიდატმა, გრიგოლ ვაშაძემ – 780633 ხმა (40.48 %).
კომენტარები