სალომე ზურაბიშვილი გიორგი მარგველაშვილის განცხადებას „ტვ პირველი“-ს ეთერით გამოეხმაურა.
„სრულიად მზად ვარ და ამ პროცესს ხვალიდან დავიწყებთ. მოქმედი პრეზიდენტის მადლობელი ვარ, რომ მზადყოფნა გამოთქვა. ჩემთვის ძალიან მნიშვნელოვანია, პრეზიდენტის ადმინისტრაციის გადაბარება ძალიან დალაგებულად მოხდეს. ეს სწორი გადაწყვეტილება და დემოკრატიული მიდგომაა, რისთვისაც მადლობელი ვარ“, – განაცხადა ზურაბიშვილმა.
ამასთან, სალომე ზურაბიშვილი მარგველაშვილთან შეხვედრასაც აპირებს.
„სასახლეში მივალ, რომ დღევანდელ პრეზიდენტს შევხვდე. შეხვედრის პრობლემა არ მაქვს, მისი განცხადების მადლიერი ვარ. ერთი შეხვედრა საჭიროა, რომ ეს საკითხები გავიაროთ“, – აღნიშნა სალომე ზურაბიშვილმა.
კომენტარები