“ნაციონალებს” რაც ჰქონდათ ჩაფიქრებული, ახორციელებენ”

მათ რაც ჰქონდათ ჩაფიქრებული, ახორციელებენ,- ამის შესახებ საპარლამენტო უმრავლესობის წევრმა ზაზა პაპუაშვილმა მედიაჰოლდინგ „კვირას“ პრესკლუბში გამართულ პრესკონფერნეციაზე “ნაცმოძრაობის წევრებზე საუბრისას განაცხადა.
„რაც შეეხება იმის ფორმულირებას, რომ მათ ეს არ აღიარეს , მათ ეს არ აწყობთ, მე მგონი ეს ახლა ახირებაა და ისტერიული მდგომარეობაა. თორემ, თუ ქვეყანაში არის კანონი, თუ ქვეყანაში არსებობს გარკვეული პროცედურები გარკვეულ თემებთან დაკავშირებით, რას ნიშნავს შენ ამას არ აღიარებ? მე გავოცდი კიდევაც რომ ასეთი უპირატესობით დამთავრდეს არჩევნები და კიდე კითხვის ნისშნის ქვეშ დადგეს , ეს წარმოუდგენელია . იმათ რაც ჰქონდათ ჩაფიქრებული, ახორციელებენ. თავის დღის წესრიგი რაც აქვთ გაწერილი, იმას ახორციელებენ . ესე იგი როგორ გამოდის: მათ რომ გაემარჯვათ და ღმერთმა ნუ ქნას ,ისინი ვერასოდეს გაიმარჯვებენ საქართველოში თუ არ დაბრმავდა და დაყრუდა საქართველო, მაშინ ეს ჩაითველობა წარმატებულ არჩევნებად , თუ ისინი ვერ აღწევენ თავის საწადელს, მაშინ აბა ეს რა არჩევნებია .
ბოლო ექვსი -შვიდი წლის განმავლობაში რომელი არჩევნები მოიგეს და რომელ არჩევნებთან ჰქონდათ ან მათ პრეტენზია, ან დამკვირვებლებს? . როცა პრეზიდენტები ულოცავენ უკვე ახალ არჩეულ პრეზიდენტს გამარჯვებას და ასე შემდეგ. ეს არის მათი სულმოკლეობა, მათი ზრახვების აფიშირება.
დამარცხდი ხომ? თუ იმის შნო არა გაქვს, არ იცი რა არის დამარცხება, არც გამარჯვების ფასი იცი, რას ნიშნავს უსულო საგანი შევა იქ? რამდენმა პროცენტმა მისცა ხმა სალომე ზურაბისვილს? როგორ აყენებ მათ შეურაცხყოფას? რას ეძახი ამ ხალხს? ქურდებო , რეებს არ იძახდნენ, ეს წარმოუდგენელია“- განაცხადა პაპუაშვილმა.
მისივე თქმით, ის ვერ ხედავს იმის აუცილებლობას, ვადამდელი საპარლამენტო არჩევნები ჩატარდეს.
„საერთაშორისო დამკვრვებლებმა თქვეს, რომ საქართველოში არჩევნები არ შედგა? არ უთქვამთ? ეს არც შინ არ არის ნათქვამი, არც გარეთ.
ვერ ვხედავ აუცილებლობას ჩატარდეს ვადამდელი საპარლამენტო არჩევნები . ჩატარდა არჩევნები, მხოლოდ მათ აქვთ პრეტენზიები შედეგებთან. რატომ? იმიტომ რომ ვერ გაიმარჯვეს . მოქმედმა პრეზიდენტმაც აღიარა, სხვა პარტიებმაც აღიარეს , დამარცხებულმა კანდიდატებმაც, თურმე ეს ძალა არ აღიარებს ამას, კარგად იყვნენ, აი, წყალი და დალიონ.
რაც შეეხება დესტაბილიზაციას – სახელმწიფო იმდენად უნდა იყოს ძლიერი და არის ძლიერი, რომ ნებისმიერი კანონდარჩღევვა უნდა აღიკვეთოს“- განაცხადა პაპუაშვილმა.
ცნობისთვის, გაერთიანებული ოპოზიცია „ძალა ერთობაშია“ კვირას რუსთაველის გამზირზე საპროტესტო აქციას გამართავს. აღნიშნულის შესახებ განცხადება გაერთიანების საპრეზიდენტო კანდიდატმა გრიგოლ ვაშაძემ გუშინ მხარდამჭერებთან შეხვედრისას გააკეთა.
მისი თქმით, ეს არის ერთ-ერთი გზა, რომ ხელისუფლებამ გაიგოს საზოგადოების ხმა.
ვაშაძის შეფასებით, საქართველოს არ ჰყავს პრეზიდენტი და საქართველოში არჩევნები არ ჩატარებულა.
როგორც ვაშაძემ სიტყვით გამოსვლისას აღნიშნა, კვირას დაგეგმილი აქცია მშვიდობიანი იქნება. მისი თქმით, ის არ ცნობს არჩევნების ლეგიტიმაციას და მოითხოვს ვადამდელ საპარლამენტო არჩევნებსაც.