არჩეულმა პრეზიდენტმა, უკვე დაიწყო მუშაობა გუნდის ფორმირებაზე. ვისთან ერთად იმუშავებს პირველი ქალი პრეზიდენტი საქართველოში? – ეს არის კითხვა, რომელიც საზოგადოებას ახლა ყველაზე მეტად აინტერესებს.
მედიაში უკვე დასახელდა რამდენიმე გვარი. მათ შორის ერთ-ერთი, საპატრიარქოს ფონდის ხელმძღვანელი ლაშა ჟვანიაა. სავარაუდოდ, პრეზიდენტის ადმინისტრაციაში იმუშავებს შიდა ქართლის ყოფილი გუბერნატორი კახა სამხარაძეც.
კონსულტაციები რომ დაწყებულია, ეს ფაქტი „ქრონიკასთან“ ლაშა ჟვანიამ და კახა სამხარაძემ უკვე დაადასტურეს. რესტავრაციის პროცესი დასასრულს უახლოვდება ათონელის რეზიდენციაშიც, სადაც როგორც წინასწარ იყო ცნობილი, საქართველოს მეხუთე პრეზიდენტი იმუშავებს.
საპრეზიდენტო არჩევნების მეორე ტურში გამარჯვება „ქართული ოცნების“ მიერ მხარდაჭერილმა დამოუკიდებელმა კანდიდატმა სალომე ზურაბიშვილმა მოიპოვა. საბოლოო შედეგები შეგიძლიათ იხილოთ ამ ბმულზე.