გაერთიანებული ოპოზიციის მიერ წარდგენილმა საპრეზიდენტო კანდიდატმა გრიგოლ ვაშაძემ BBC-თვის მიცემულ ინტერვიუში განაცხადა რომ მიხეილ სააკაშვილს მასთან საერთო არაფერი აქვს, ვაშაძე აღნიშნავს რომ 2018 წლის საპრეზიდენტო არჩევნები მასა და ბიძინა ივანიშვილს შორის გაიმართა.
„ყველამ იცის, რომ არჩევანი იყო ჩემსა და ივანიშვილს შორის. სააკაშვილს არაფერი აქვს საერთო ჩემს კამპანიასთან. სააკაშვილი ჩნდება ტელეეკრანებზე, მაგრამ შეხედეთ ჩემს პროგრამას ეკონომიკური და პოლიტიკური რეფორმების კუთხით. გსმენიათ რამე მისგან ისეთი, რაც ემთხვევა ჩემს შეთავაზებებს?
ვიმეორებ, მისი აზრი არის ერთი ადამიანის აზრი, რომელსაც არაფერი აქვს საერთო ჩემთან, ჩემს მომხრეებთან და გაერთიანებულ ოპოზიციასთან. მაგალითად, თუნდაც მისი მოწოდება სამოქალაქო დაუმორჩილებლობასთან დაკავშირებით“, – განაცხადა გრიგოლ ვაშაძემ.