საქართველოს მოქმედი პრეზიდენტი გიორგი მარგველაშვილი „ბი-ბი-სი“-ს რუსულ სამსახურთან საქართველოში გამართულ საპრეზიდენტო არჩევნებზე, დიპლომატიური პრობლემების მოგვარებასა და მოსკოვთან მეგობრული ურთიერთობების შესაძლებლობაზე საუბრობს.
„ვითარება არჩევნებზე საუკეთესო არ ყოფილა იმ კუთხით, რომ იყო ბევრი დარღვევა, ხალხი ამის გამო ნეგატიურ პოზიციას გამოხატავს და ეს ბუნებრივია. ჩვენ გვყავს არჩეული პრეზიდენტი და მალე მისი ინაუგურაცია შედგება. თუმცა, ხალხის პოზიცია ამ კანონდარღვევებთან დაკავშირებით გამოიხატება მიტინგში. მიტინგი – ეს არის დემოკრატიული პროცესი და გამოვდივარ მოწოდებით, რომ ეს მიტინგი არ გასცდეს სამართლებრივ ჩარჩოებს. შემექმნა შთაბეჭდილება, რომ ოპოზიცია მოითხოვს ვადამდელ საპარლამენტო არჩევნებს, თუმცა, მე ვითარების სერიოზულ გამწვავებას არ ველოდები. სახელმწიფოს როლი იმაშია, რომ აღკვეთოს ნებისმიერი კონფლიქტი, სხვადასხვა მომიტინგე მხარეებს შორის კონტაქტები და ჩვენ აქ უნდა დავრწმუნდეთ, რომ ასეთი რამ არ მოხდეს“, – განაცხადა გიორგი მარგველაშვილმა.