სამხრეთ კავკასიისა და ცენტრალური აზიის საკითხებში ნატო-ს გენერალური მდივნის სპეციალური წარმომადგენელი, ჯეიმს აპატურაი აცხადებს, რომ 2018 წელი ნატო-საქართველოს თანამშრომლობის გასაღრმავებლად ძალიან კარგი წელი იყო. ამის შესახებ მან საზოგადოებრივ მაუწყებელთან ინტერვიუში თქვა.
ჯეიმს აპატურაის განცხადებით, არსებითი პაკეტი, რომელზეც უელსის სამიტზე ორგანიზაციის წევრი ქვეყნების ლიდერები შეთანხმდნენ, შესრულდა და ქართველი ხალხი მუშაობის კონკრეტულ შედეგებს ხედავს. ჯეიმს აპატურაის თქმით, ეს შედეგი არის ერთობლივი წვრთნისა და შეფასების ცენტრი.
აპატურაი დასძენს, რომ ნატოში საქართველოს წარმომადგენელი ალექსანდრე მაისურაძე დაუღალავად მუშაობს და მუდმივად ხელს უწყობს ნატოს ყველა ოფისში საქართველოს ინტერესების აქტუალიზაციას.
“დიახ, საქართველო ყოველთვის არის ნატოს დღის წესრიგში ერთ-ერთ მთავარ საკითხად წარმოდგენილი, მათ შორის საქართველოს მზადება ნატოს მომავალი წევრობისთვის და ასე გაგრძელდება 2019 წელს. ველოდები ნატოს მაღალჩინოსნების ვიზიტებს საქართველოში, ნატო-საქართველოს ერთობლივ წვრთნებს მომავალ წელს და პოლიტიკური კონსულტაციების გაგრძელებას”, – განაცხადა ჯეიმს აპატურაიმ.