რიგით მე- 5 პრეზიდენტის სალომე ზურაბიშვილის ინაუგურაციისთვის, ერეკლე მეფის სასახლის მიმდებარე ტერიტორიაზე ტრიბუნის მონტაჟი და სასახლის ეზოს კეთილმოწყობის სამუშაოები მიმდინარეობს.
სალომე ზურაბიშვილი ფიცს მე- 17 საუკნის სასახლის ეზოში მდებარე ეკლესიის წინ დადებს. გაიმართება აღლუმი და ჰიმნი. ღონისძიებაზე დაგეგმილია კახური მრავალჟამიერის შესრულებაც.
16 დეკემბერს ახლად არჩეული პრეზიდენტის ინაუგურაცია 15:00 საათზე დაიწყება და 40 წუთის განმავლობაში გაგრძელდება, რის შემდეგაც, პრეზიდენტი ზურაბიშვილი მოწვეულ სტუმრებთან ერთად წინანდალში, საზეიმო მიღებაზე გადაინაცვლებს.
კომენტარები