საქართველოში უახლოეს დღეებში სამხრეთ კავკასიისა და ცენტრალური აზიის საკითხებში ნატოს გენერალური მდივნის სპეციალური წარმომადგენელი, ჯეიმს აპატურაი ჩამოვა. ამის შესახებ საგარეო საქმეთა მინისტრმა დავით ზალკალიანმა განაცხადა. ინფორმაციას 1tv.ge ავრცელებს.
“უახლოეს დღეებში ველოდებით საქართველოში ნატო-ს გენმდივნის თანაშემწეს ჯეიმს აპატურაის ვიზიტს, რომელიც იქნება ერთგვარი გაგრძელება მინისტერიალის ფარგლებში განხილულ საკითხებზე მსჯელობის. ბუნებრივია, მომავალ წელსაც ნატო-სთან თანამშრომლობა იქნება ჩვენი საგარეო პოლიტიკის ერთ-ერთი მთავარი მიმართულება“,- განაცხადა დავით ზალკალიანმა.
კომენტარები