„მე ვერავინ გამრიცხავს“, – ასე უპასუხა საპარლამენტო უმრავლესობის წევრმა ეკა ბესელიამ ჟურნალისტების კითხვას გუნდიდან მის შესაძლო გარიცხვასთან დაკავშირებით.
მისი თქმით, ბიძინა ივანიშვილისაგან არასოდეს უგრძნია, რომ პარტიიდან მისი წასვლა სურდა. ბესელია ამბობს, რომ გადაწყვეტილებას კანონპროექტის კენჭისყრის შემდეგ მიიღებს.
„მე ვერავინ გამრიცხავს, ასეთი საუბარი ჩემთან – გაგრიცხავ და ა.შ. ამის უფლებას თავს არავინ აძლევს, ამის უფლება არ აქვს არც პარლამენტის თავმჯდომარეს და არც პოლიტსაბჭოს წევრებს. ასეთი რამ არ უთქვამს პარტიის ლიდერსაც, პარტიის თავმჯდომარეს, არავინ მელაპარაკება მე ამ ტონით და ამ ფორმით,“ – ამბობს ეკა ბესელია.
კომენტარები