უმრავლესობას კიდევ ერთი დეპუტატი ტოვებს

საპარლამენტო უმრავლესობა შესაძლოა კიდევ ერთმა კიდევ ერთმა დეპუტატმა დატოვოს. საქმე ეხება მმართველ გუნდში შემავალი ფრაქცია „სოციალ-დემოკრატების“ წევრ მირიან წიკლაურს.
როგორც ის აცხადებს, მას თანაგუნდელებთან დაშორება არ სურს, თუმცა მისი დარჩენა-არდარჩენის საკითხი დამოკიდებული იქნება ამ დღეებში განვითარებულ პროცესებზე.
“არაფრის გამორიცხვა არ შეიძლება. საკითხებზე არის აზრთა სხვადასხვაობა და თანხმობებიც. თუ პოზიციების დაახლოება მოხდება სოციალურ ეკონომიკური მიმართულებით, თანაგუნდელებთან დაშორების სურვილი არ მაქვს”, – განაცხადა წიკლაურმა.
პირველი არხის ინფორმაციით, საპარლამენტო უმრავლესობის დატოვებას ასევე აპირებენ ფრაქცია „სოციალ-დემოკრატების“ წევრები კობა ნარჩემაშვილი, გია ჟორჟოლიანი და რუსლან პოღოსიანი.
ამასთან, საპარლამენტო უმრავლესობა და ფრაქცია „სოციალ-დემოკრატების“ დეპუტატმა ბექა ნაცვლიშვილმა უკვე დატოვა.
აღნიშნულ გადაწყვეტილებას დეპუტატი საპენსიო რეფორმის შესახებ მის მიერ მომზადებული კანონპროექტის კენჭისყრაზე ჩავარდნას უკავშირებს.