დადასტურებული ინფორმაციით, რომელიც “რუსთავი ორმა” გაავრცელა, ზუგდიდის რაიონის სოფელ ზედა ეწერში მომხდარი ავარიის შედეგად დაიღუპულ თენგიზ ნაზღაიძესთან ერთად, დაიღუპა დედამისიც შორენა ქალდანი.
ექიმების განცხადებით, “112-ის სამსახურმა ავტოსაგზაო შემთხვევის შედეგად შემოიყვანა 2 პაციენტი. ქალბატონი დიაგნოზით პოლიტრავმა, ქალა-ტვინის ტრავმა, თავის ტვინის დაჟეჟილობა, სახის ძვლების მრავლობითი მოტეხილობა, გულმკერდის დახურული ტრავმა, ფილტვების დაჟეჟილობა, ნეკნების მრავლობითი მოტეხილობა, ტრავმული შოკი, სუნთქვის მწვავე უკმარისობა. შუახნის მამაკაცი კი შემოყვანილია გულმკერდის დახურული ტრავმით, ფილტვების დაჟეჟილობით, ხერხემლის დახურული ტრავმით, წელის მეოთხე მალის მოტეხილობით. უტარდებათ შესაბამისი კვლევები და მკურნალობა”.
ზუგდიდის მუნიციპალიტეტის სოფელ ზედა ეწერში ავტოსაგზაო შემთხვევას ორი ადამიანი ემსხვერპლა, ოჯახის ნათესავი საავადმყოფოშია მოთავსებული.
“პროგრესნიუსი” რამდენიმე დღის წინ შეხვდა და ესაუბრა ქალბატონ შორენას. შეგახსენებთ, რომ მის ვაჟს, თენგიზს, ყოფილ პატიმარს ურთიერთშელაპარაკება მოუვიდა ლადო ბედუკაძესთან. ქალბატონი შორენა და მისი ვაჟი “პროგრესნიუსს” სთხოვდნენ დახმარებას, საინფორმაციო სივრცეში გავრცელებული მათთვის მიუღებელი ინფორმაციის გასაქარწყლებლად. ამ შეხვედრის შემდეგ უნდა შემდგარიყო მეორე შეხვედრა, მაგრამ ქალბატონ მანანას გარდაეცვალა მამიდა, რის გამოც შეხვედრა გადაიდო.
წყარო: – “პროგრესნიუსი”