„თიბისი ბანკის“ საქმეს პროკურატურას თაროზე არ შემოვადებინებ, – ამის შესახებ პარლამენტის საფინანსო საბიუჯეტო კომიტეტის სხდომაზე „თიბისი ბანკის“ დამფუძნებელმა, მამუკა ხაზარაძემ განაცხადა.
„მოვუწოდებ პროკურატურას, სასწრაფოდ გამოვიდნენ, დასხდნენ პარლამენტში ან არ ვიცი, პრესით და თქვან, რას ჰქვია ფულის გათეთრება. ამოიღონ კანონმდებლობა და ზუსტად თქვან. თუ ეს თაროზე შემოიდება, მე პირობას გაძლევთ, არ დავთმობთ ერთი წამით, ერთი ნაბიჯით არ წავალთ უკან.
ეს პრაქტიკა საბჭოთა „კაკებეშნიკურია“, რომ ვიღაცას ლაფს დაასხამ, მიდის გამოძიება და იდება თაროზე. მერე ადამიანებს არ აქვთ იმის საშუალება, პასუხი გასცენ, ამბობენ, რომ სახელმწიფოს ვერ მოერევი, რადგან ადამიანი ყოველთვის პატარაა. ეს უნდა შეწყდეს.
პირობას გაძლევთ, ან ბრალი დააყენონ, ვინ არის დამნაშავე ამ სიტუაციაში, ან საკითხი შეწყვიტონ სასწრაფოდ. თაროზე არ შემოვადებინებ ამ საკითხს. ეს არის პირდაპირი დარტყმა გაცილებით უფრო მეტზე, რასაც საქართველო და ჩვენი პერსპექტივა ჰქვია“,- განაცხადა მამუკა ხაზარაძემ.