საქართველოს პარლამენტის თავმჯდომარე ირაკლი კობახიძე, იუსტიციის მინისტრის შესაძლო გადადგომის საკითხს ეხმაურება.
კობახიძის თქმით, უთანხმოებაზე, რომელზეც თეა წულუკიანმა გუშინ ისაუბრა, ინფორმაციას არ ფლობს. კობახიძე ამბობს, რომ მთავრობაში საკადრო ცვლილებები პრემიერ-მინისტრის პრეროგატივაა, შესაბამისად საკითხი პრემიერსა და იუსტიციის მინისტრს შორის უნდა გაირკვეს.
პარლამენტის თავმჯდომარის თქმით, თეა წულუკიანი მმართველი გუნდის ღირსეული წევრია და აუცილებელია მოხდეს მისი მოსმენა.
“თეა წულუკიანი არის ჩვენი გუნდის ღირსეული წევრი. ის არის მინისტრი 2012 წლიდან და შესაბამისად ჩვენი ვალია მას მოვუსმინოთ და ასეთ რეჟიმში წარიმართება რა თქმა უნდა პროცესი. იქნება რა თქმა კომუნიკაცია პირველ რიგში მინისტრსა და პრემიერ-მინისტრს შორის. კიდევ ერთხელ გავიმეორებ, ეს არის არსებითად პრემიერ-მინისტრის გადასაწყვეტი საკითხი,”-განაცხადა ირაკლი კობახიძემ.