ზაალ უდუმაშვილი რჩება და არის დიდი მორალური ავტორიტეტი თითოეული ჩვენგანისთვის, – ამის შესახებ საქართველოს ყოფილმა პრეზიდენტმა, მიხეილ სააკაშვილმა „ნაციონალური მოძრაობის“ ყრილობაზე ვიდეომიმართვისას განაცხადა.
„მინდა, მადლობა ვუთხრა თბილისის ორგანიზაციას. ძალიან საინტერესოდ მუშაობს ლევან ხაბეიშვილი და ძალიან მაგარი გამარჯვება მოვიპოვეთ სულ ახლახანს საკრებულოში, ისევე როგორც ზალიკო რჩება და არის დიდი მორალური ავტორიტეტი თითოეული ჩვენგანისთვის.
არ მინდა ვინმე გამომრჩეს, მაგრამ მთავარია, ჩვენ მადლობა ვუთხრათ თითოეულ ჩვენ აქტივისტს. ოთხი ათასი ადამიანი დარეგისტრირდა და მიიღო მონაწილეობა ჩვენ ღონისძიებებში, იარა ქუჩა-ქუჩა, ესაუბრა მეზობლებს. ეს არის უზარმაზარი ძალა და ამ ხალხზე დგას საქართველოს მომავალი, ეს ხალხი არსებობს და სწორედ ეს ხალხი გაიმარჯვებს“,- განაცხადა მიხეილ სააკაშვილმა.