“მაიამ ციხეში ტანსაცმლისა და თეთრეულის გამოცვლა მოითხოვა, პასუხად – ფხვნილს მოგცემთ და გარეცხეო”

ვახტანგ რჩეულიშვილი “ცენტრ პოინტის” საქმეზე დაკავებულ მეუღლესთან დაკავშირებით ხელისუფლებას “ფეისბუქის” მეშვეობით მიმართავს:

“მაიას ნუ აწამებთ მაინც!
ალბათ გიკვირთ, რა ჩუმად ვუძლებ ჩვენს გაჭრვებას. ეს იმიტომ, რომ მავანს უხარია მაიასა და გუკას დაჭერა. მათ კმაყოფილ სახეებს და პროკურატურის ქება-დიდებას ვეღარ ვუყურებ ფეისბუკზე. თან ისედაც მეუბნებიან, რომ ჩემი პოსტების და კრიტიკის გამო დაიჭირეს მაიაო.

თუმცა კიდევ მეტი ადამიანი აპროტესტებს მთელი ჩვენი ოჯახის დაპატიმრებას – მე და კატო დავრჩით რჩეულიშვილების ოჯახიდან დასაჭერი. კატოს ვერ დაიჭერენ, ამერიკის მოქალაქეა და დედა მო**თ, მე კი გინდ დამიჭირონ და გინდ დამხვრიტონ, აწი ფეხებზე მკიდია! კლიეტების ვალს მაინც მაია თუ გადაიხდის, თორემ მე (და როგორც ჩენს არც ერთ ხელისუფლებასაც) ამის ტ**კი ნამდვილად არ გვაქვს. მაიას უკანონო დაპატიმრებით ათასობით ადამიანის პრობლემის მოგვარება მხოლოდ გაძნელდა. მაიასთან თანამშრომლობით და არა დაპირისპირებით ხელისუფლებას ჯერ კიდევ 2009 წელს შეეძლო და დღესაც შეუძლია სასწრაფოდ მოაგვაროს ყველა დაზარალებულის პრობლემა. კიდევ ერთხელ ვადასტურებ მაიას მზადყოფნას ამისათვის.

მე არ მსურს კონფრონტაცია, რომლისაგანაც ყველა დაზარალებული დავრჩებით: მაიაც, მისი კლიენტებიც და თავად ხელისუფლებაც.რაც ხელისუფლებას 300 $ უჯდება, ის მაიას  შეუძლია დღეს 100$-ად გააკეთოს (და აკეთებს კიდეც) ელემენტერული დაფინანსების პირობებში. მაგრამ თანამშრომლობის მოლოდინში მდგომარეობა მძიმდება. როგორც მაიასი, ასევე სხვა დაზარალებულების. მშენებლობა და ფულის შემოდინება მაიას დაპატიმრების შემდეგ შეწყდა, ინვესტორებსაც პრობლემები ექმნება. მაიას კი, ჩემი აზრით, ელემენტერულად აწამებენ!