საპარლამენტო უმრავლესობის ლიდერი, არჩილ თალაკვაძე ფიქრობს, რომ შინაგან საქმეთა სამინისტროს მიერ წარმოდგენილ ინიციატივას, რომლის თანახმად ე.წ. ქუჩური გარჩევა სისხლის სამართლის წესით დასჯადი ხდება, მაღალი მხარდაჭერა ექნება პარლამენტში. მისი განცხადებით, აღნიშნული კანონპროექტი, რომელიც კრიმინალისგან არასრულწლოვნების დაცვას ისახავს მიზნად, დასტურია შინაგან საქმეთა სამინისტროს მხრიდან არსებულ გამოწვევებზე ადეკვატური მიდგომის. თალაკვაძე ჟურნალისტებთან საუბრისას იმედოვნებს, რომ პარლამენტში აღნიშნულ ინიციატივას მაღალი მხარდაჭერა ექნება.
„ის, რომ ახალგაზრდები კიდევ უფრო მეტად იყვნენ კანონმდებლობით დაცულნი, კრიმინალური სუბკულტურისგან, ეს არის სწორი და დროული ნაბიჯი. ამ გადაწყვეტილებასაც ვფიქრობ მაღალი მხარდაჭერა ექნება პარლამენტში. შინაგან საქმეთა სამინისტროს, გამოწვევებთან მიმართებით აქვს სწორი გეგმა“, – განაცხადა არჩილ თალაკვაძემ.