ხელვაჩაურში ახალგაზრდა კაცი სავარაუდოდ სანადირო თოფით დაჭრეს. შემთხვევა სოფელ ახალშენში მოხდა. 26 წლის კაცი წერტილოვანი მრავლობითი ჭრილობებით ბათუმის რეფერალურ საავადმყოფოშია მოთავსებული. ექიმების განცხადებით მდგომარეობა კრიტიკულად მძიმეა.
შემთხვევის ვერსიებზე ახლობლები არ საუბრობენ. ამბობენ, რომ შელაპარაკება ორ პირს შორის მოხდა. მათივე თქმით, დაჭრილი მეზღვაურია და მას კონფლიქტი არავისთან არ ჰქონდა.
კომენტარები