ბიძინა ივანიშვილის გააქტიურება იმ დღიდან დაიწყო, როცა ის პოლიტიკაში დაბრუნდა და პარტიას სათავეში ჩაუდგა, – ამის შესახებ პარლამენტის ვიცე-სპიკერმა, გია ვოლსკიმ ჟურნალისტების კითხვას უპასუხა, რამდენად მოსალოდნელია წინასაარჩევნოდ ბიძინა ივანიშვილის კიდევ უფრო გააქტიურება.
„წინასაარჩევნოდ იქნება თუ არჩევნების შემდეგ, ბიძინა ივანიშვილი იქნება შესაბამისი დოზით აქტიური. ასევე ჩვენც ყველა, პოლიტსაბჭოს წევრები თუ პარლამენტის წევრები. საერთოდ, „ქართული ოცნების“ წევრები ძალიან აქტიური ვიქნებით. ორგანიზაციული თვალსაზრისით, პარტია ყოველთვის თავის სიტყვას იტყვის და მისი მეთაური ბიძინა ივანიშვილი აქტიური რომ არ იყოს, ალბათ საკვირველი ის იქნებოდა“, – განაცხადა გია ვოლსკიმ.
კომენტარები