4 წლის ნინო ზალინაშვილის გარდაცვალების საქმეზე დაკავებულ დედას, ლელა ქსოვრელს, შესაძლოა ბრალი დაუმძიმდეს. მიზეზი მეორე შვილის, 5 წლის ლუკა ქსოვრელის სხეულზე აღმოჩენილი დაზიანებები გახდა. დაზიანებების გამომწვევი მიზეზების დასადგენად ექსპერტიზა უკვე დანიშნულია.
დღეს კი საქალაქო სასამართლომ, 4 წლის ნინო ზალინაშვილის საქმის არსებითი განხილვა დაიწყო. გოგონა 22 იანვარს, თავის არეში მიყენებული დაზიანების გამო გარდაიცვალა, თუმცა დედა ფიზიკურ ძალადობას უარყოფს და ამბობს, რომ ბავშვმა დაზიანება ბანაობის დროს მიიღო.
პროცესი 22 აპრილს, მოწმეების გამოკითხვით გაგრძელდება.
კომენტარები