დედაქალაქის მერმა, კახა კალაძემ „ქართული ოცნებიდან“ საკრებულოს დეპუტატების ვახტანგ შაქარიშვილისა და ჯაბა ჯიშკარიანის წასვლის საკითხზე კომენტარი გააკეთა.
კახა კალაძის თქმით, მას ჰქონდა ინფორმაცია, რომ ჯაბა ჯიშკარიანი და ვახტანგ შაქარიშვილი პარტიის დატოვებას გეგმავდნენ.
„ისინი რომ მიდიოდნენ, ვიცოდი. ჩვენ გუშინ გვქონდა შეხვედრა და მითხრეს ამ გადაწყვეტილების შესახებ. ეს მათი გადაწყვეტილებაა. ჩვენ ყველა ადამიანი ვართ თავისუფლი ჩვენს არჩევანში, ჩვენს გადაწყვეტილებებში და მათ მიიღეს ეს გადაწყვეტილება“, – განაცხადა კახა კალაძემ.
კითხვაზე, ეთანხმება თუ არა საკრებულოს დეპუტატებს, რომ „ქართული ოცნება“ აცდა იმ ღირებულებებს, რისთვისაც მივიდა ხელისუფლებაში, კახა კალაძემ აღნიშნა, რომ მათ მოსაზრებას არ ეთანხმება.
„მათ არ ვეთანხმებით, ეს მათი მოსაზრებაა, ყველა ადამიანს აქვს უფლება, ქონდეს თავისი მოსაზრება“, – განაცხადა კალაძემ.