ეს არ არის “ქართული ოცნების” რღვევის პროცესი,- ამის შესახებ უმრავლესობის ერთ-ერთმა ლიდერმა მამუკა მდინარაძემ საკრებულოს უმრავლესობიდან ვატო შაქარიშვილის და ჯაბა ჯიშკარიანის გასვლასთან დაკავშირებით განაცხადა.
„ძალიან გინდათ, რომ „ქართული ოცნების“ რღვევის პროცესი იყოს, მაგრამ ეს ის პროცესია, რომელიც პარლამენტში იყო და რაც რამდენიმე ადამიანის წასვლით შემოიფარგლა. რამდენიმე თვით ადრე სოციალურ ქსელში ვატო შაქარიშვილის არაერთი სტატუსი ვნახეთ, რაც იმას მოგვასწავებდა, რომ ეს ადამიანი ვერ და არ იქნებოდა „ქართულ ოცნებაში“. აქედან გამომდინარე, ახალი არაფერია და არც თქვენს მიერ დაანონსებული ამბავი არის პერსპექტიული, რომ ეს არის „ქართული ოცნების“ რღვევის პროცესი“, – განაცხადა მამუკა მდინარაძემ.
კომენტარები