საბაჟო გამშვებ პუნქტებში “ნინოწმინდა”, “კარწახი”, თბილისისა და ქუთაისის აეროპორტი – ფინანსთა სამინისტროს შემოსავლების სამსახურის მებაჟე ოფიცრებმა, 26 მარტიდან 11 აპრილის ჩათვლით, ეჭვის საფუძველზე, საქართველოს, ირანისა და სომხეთის მოქალაქეების კუთვნილი ხელბარგისა და მათი მართვის ქვეშ არსებული ავტომობილის დათვალიერებისას ნარკოტიკული (269 აბი და ჰაშიში 4.8 გრ.) და ფსიქოტროპული (864 კაფსულა და 565 აბი) ნივთიერების შემცველი მედიკამენტები გამოავლინეს.
შემოსავლების სამსახურის ცნობით, საქმეთა მასალები, შემდგომი რეაგირების მიზნით, შინაგან საქმეთა სამინისტროს გადაეცა.
უწყებამ მომხდარ ფაქტზე სისხლის სამართლის საქმეები აღძრა და გამოძიება სსკ-ის 260-ე, 262-ე და 263-ე მუხლებით მიმდინარეობს.
კომენტარები