გამოკითხვაზე მყოფმა ანა წითლიძემ, გიორგი პატარაიამ და მანუჩარ ჩხეტიამ პოლიციის განყოფილება დატოვეს. მათი თქმით, ისინი არ დაუკავებიათ.
“ჩვენ არ დავუკავებივართ, გამოკითხვაზე ვიყავით. სამწუხაროა, რომ ხელისუფლება ებრძვის იმ კანდიდატს, რომელიც იგებს ზუგდიდში. პოლიტიკურ ღონისძიებაზე მივდიოდით და თვალთვალს ახორციელებდნენ. საბუთები მოვთხოვეთ მათ, არ გვაჩვენეს და გამოვიძახეთ პოლიცია. არანაირი შეურაცხყოფა არ ყოფილა”, – ამბობს გიორგი პატარაია.
შსს-ის ინფორმაციით, დაკავებულებმა ხელწერილის საფუძველზე დატოვეს განყოფილება.
ცნობისთვის, შინაგან საქმეთა სამინისტრომ წვრილმანი ხულიგნობისა და პოლიციელთა კანონიერი მოთხოვნისადმი დაუმორჩილებლობისთვის ზუგდიდში პარტია “ერთიანი ნაციონალური მოძრაობის” წარმომადგენლები რამდენიმე საათის წინ დააკავა.
კომენტარები