“ირაკლი კობახიძეს პერსონალური ახირებები აქვს და ურჩევნია ყველაფერი იკადროს”

მაინტერესებს, რატომ არის დარღვეული თანმიმდევრობა, რატომ არის დარღვეული რეგლამენტის წესი და რატომ აძლევს თავს უფლებას პარლამენტის თავმჯდომარე პერსონალური გადაწყვეტილებებით რეგლამენტს გადააბიჯოს, მაშინ, როცა უნდა – კეთილი ინებე და დაიცავი წესები, – ამის შესახებ დამოუკიდებელმა დეპუტატმა ეკა ბესელიამ პარლამენტის საგაზაფხულო სესიის პლენარულ სხდომაზე განაცხადა.
მისი თქმით, მიუხედავად იმისა, რომ ირაკლი კობახიძეს მასთან მიმართებაში „რაღაც ახირებები აქვს“, პარლამენტის რეგლამენტს პატივი მაინც უნდა სცეს.
„პროცედურასთან დაკავშირებით, მაინტერესებს, პარლამენტის თავმჯდომარე რატომ მიეჩვია რეგლამენტის დარღვევას და რატომ არღვევს ახლა, 94-ე მუხლს, სადაც ძალიან ნათლად წერია, რომ ის ვინც განცხადებებში ეწერება, ამ თანმიმდევრობის დაცვა არის სავალდებულო. სადაც გოგიჩაიშვილი ჩაეწერა იქვე, ჩავეწერეთ მე და ზვიად კვაჭანტირაძე. მე, მესმის, რომ ბოლო პერიოდის ტენდენციებით, რაღაც პერსონალური ახირებები აქვს ირაკლი კობახიძეს, რომ ურჩევნია ყველაფერი იკადროს, ოღონდ არ დამინახოს, მაგრამ პარლამენტის თავმჯდომარემ კეთილი ინებოს და რეგლამენტს პატივი სცეს“, – განაცხადა ბესელიამ.