ადვოკატი, პრეზიდენტობის ყოფილი კანდიდატი და “ქრისტიან დემოკრატების” ლიდერი ლევან ჩხეიძე სოციალურ ქსელში საკუთარ მოსაზრებას აფიქსირებს.
“აზერბაიჯანში, რუსეთის სპეცსამსახურებთან ასოცირებული საეჭვო ჯგუფები ეწევიან იგივე აგრესიულ ანტიქართულ კამპანიას, როგორსაც საქართველოში ეწევა ზოგიერთი საეჭვო ვითომ პატრიოტული დაჯგუფება ანტიაზერბაჯანულ კამპანიას რაც გვაფიქრებინებს, რომ ეს მართვადი პროცესია ჩვენი არაკეთილი მეზობლის მიერ.
ჩემო ძვირფასო თანამოქალაქეებო, მოდით გავიხსენოთ უახლოესი ისტორიიდან მსგავსი ქსენოფობიური განცხადებები და კამპანიები როგორ დასრულდა, გამოვიტანოთ დასკვნები. აღვიჭურვოთ მოთმინებით.
შევწყვიტოთ ანტიაზერბაიჯანული, ქსენოფობიური განცხადებები და მივცეთ ჩვენს ხელისუფლებას საშუალება დიპლომატიური, კეთილმეგობრული ურთიერთობების ფარგლებში გადაწყვიტოს ეს საკითხი.” – წერს ჩხეიძე.