კრიტიკა კრიტიკის საპასუხოდ – უმრავლესობა გიორგი მარგველაშვილის განცხადებას პასუხობს და არ იზიარებს მის შეფასებას, უმრავლესობის მხრიდან პრეზიდენტის ინსტიტუტის მიზანმიმართულ შესუსტებასა და დისკრედიტაციაზე.
რაც შეეხება უზენაესი სასამართლოს მოსამართლეობის კანდიდატებს, რომელთა დროულიდამტკიცებისკენაც მოუწოდა მარგველაშვილმა პარლამენტს, უმრავლესობაში აცხადებენ, რომ ისინი ვერ მიიღებენ ნაჩქარევ გადაწყვეტილებას.
„არ მგონია, რომ ასე უნდა დაინახოს პარლამენტი რომელიმე ინსტიტუციამ, რომ რასაც მიაწვდის პარლამენტს, პარლამენტმა ეს უკრიტიკოდ მიიღოს. პარლამენტს სულ მინიმუმ აქვს განსჯის, შიდა შეთანხმების უფლება. პარლამენტი არ არის ორგანო, რომელიც ჩაქუჩს დაარტყამს და გადაწყვეტილებებს ისე იღებს. მეტი პატივისცემით უნდა მოვეპყრათ პარლამენტს,“ – განაცხადა ეკა ბესელიამ.