ბიზნესმენი თემურ ჭყონია თბილისში, წერეთლის გამზირზე „ევროპული უბნის“ შექმნას გეგმავს.
როგორც ბიზნესმენი განმარტავს, ეს იქნება 3 ჰა-ზე გაშენებული უბანი, რომლის პროექტირებაც მან Colliers International-ს დაუკვეთა.
საქმე იმაშია, თემურ ჭყონიას „კოკა-კოლას“ ქარხანა წერეთლიდან მუხრანში გადააქვს და „ევროპული უბნის“ გაშენებას ქარხნის ტერიტორიაზე აპირებს.
ჭყონიას ინფორმაციით, კომპანია Colliers International-ი პროექტირებას მიმიდინარე წლის ბოლომდე დაასრულებს და სწორედ ამის შემდეგ გახდება ცნობილი, პროექტის საინვესტიციო ღირებულება.
“ევროპული უბნის“ შექნის იდეა ბარსელონაში გამიჩნდა, სადაც „კოკა-კოლას“ გლობალურ შეხვედრას ვესწრებოდი, სწორედ ასეთი უბანი მინდა, რომ მოვაწყო წერეთელზე”, – აცხადებს ბიზნესმენი.
მისივე თქმით, „ევროპული უბნის“ სახელწოდება იმ ბრენდების სახელიდან შეირჩევა, რომელსაც ის დღეს საქართველოში მართავს.
ამასთან, როგორც ბიზნესმენი განმარტავს, „ევროპულ უბანში“ 5-სართულიანი სახლები, ფიტნეს-კლუბები და გასართობი ცენტრები მოეწყობა.
რაც შეეხება მაღალსართულიან შენობებს, ჭყონიას შეფასებით, მსგავსი შენობებით ეს ქალაქის სავსეა და დროა, განსხვავებული კოცეფციის უბანი შეიქმნას, სადაც ნარჩენების შეგროვება და გადამუშავებაც კი, ევროპული სტანდარტების დაცვით მოხდება.
Bm.ge