თბილისის მერის, კახა კალაძის თქმით, მრგვალ ბაღში მიმდინარე სამუშაოებს პასუხისმგებელი კომპანია აღარ გააგრძელებს. როგორც მან აღნიშნა, ბაღში სამუშაოები, ფაქტობრივად, არ მიმდინარეობს და ორი თვის განმავლობაში რეაბილიტაციის პროცესი ვერ დამთავრდა.
მერის განცხადებით, ის თბილისელების ფეხებზე დაკიდების უფლებას არავის მისცემს.
„მრგვალ ბაღში არსებული მდგომარეობა ჩემთვის კატეგორიულად მიუღებელია. არავინ მუშაობს, არის 1-2 მუშა საწყლად, დაათრევენ ამ ქვებს ხან – იქეთ , ხან – აქეთ. გადათხრილი და გადანგრეულია ყველაფერი. ასე გაგრძელება ჩვენთვის მიუღებელია. კომპანიას არ აინტერესებს არც ქალაქის მთავრობა, არც მერია, მაგრამ ჩემთვის თბილისის მოსახლეობა ძალიან მნიშვნელოვანია. თბილისელების “ფეხებზე დაკიდების” უფლებას არავის მივცემ. იმოქმედეთ მარტივად. ეს კომპანია ვერ და არ გააგრძელებს სამუშაოებს. 2 თვეა, უკვე პატარა ბაღის რეაბილიტაცია ვერ მოვახერხეთ. არ ვარგა ეს დამოკიდებულება. სამწუხაროა, რომ გვყავს არაკეთილსინდისიერი კომპანიები, თუმცა მათ სჭირდებათ შესაბამისი პასუხი. ასეთმა კომპანიებმა არათუ მერიის ტენდერებში, საერთოდ სახელმწიფო ტენდერებში ვერ უნდა მიიღონ მონაწილეობა”, – განაცხადა კალაძემ.
კახა კალაძე – თბილისელების “ფეხებზე დაკიდების” უფლებას არავის მივცემ
2019/06/05 13:34:24
კომენტარები
ნანახია: 523 ჯერ