ეკა კვესიტაძე მიმართვას ავრცელებს

ტელეკომპანია “რუსთავი 2”-ის ჟურნალისტი ეკა კვესიტაძე მის სახლთან გამართულ აქციას სოცქსელში ეხმაურება და სახალო დამცველს, არასამთავრობოებს მიმართავს.
“მეგობრებო, რაც ახლა ჩემს სახლთან ხდება, ვითომ ჩემი ქმრის სტატუსის გამო, პირდაპირ განვიხილავ როგორც ხელისუფლების პირდაპირ ზეწოლას ჩემი, რუსთავი 2ის ჟურნალისტის მისამართით- საერთოდ არაფერი აქვს საერთო ამას შოთას სტატუსთან, ამას აქვს საერთო ჩემს რუსთავი 2-ში დარჩენასთან – თუ ვინმე ამ ხელისუფლებაში ფიქრობს, რომ ასე გამტეხავს ძალიან ცდება. გთხოვთ მოახდინოთ რეაგირება Eka Gigauri Mikheil Benidze Giorgi Mshvenieradze და განსაკუთრებით სახალხო დამცველს Nino Lomjaria გთხოვ შეატყობინე ელჩებს Nino Nakashidze გთხოვ შეატყობინო ყველა საელჩოს”, – წერს კვესიტაძე სოცქსელში.
შეგახსენებთ, რომ გუშინ შოთა უტიაშვილმა სოციალურ ქსელში გამოაქვეყნა პოსტი, სადაც დაწერა, რომ „აგვისტოს ომმა”, თავისი ყველა პლიუს-მინუსით, საქართველოს ამოსუნთქვის საშუალება მისცა, აქცია მის აღნიშნულ განცხადებას მოჰყვა. ორგანიზატორები უტიაშვილისგან ბოდიშის მოხდას მოითხოვენ.